शिवनगर (ता. कराड, जि. सातारा) : यशवंतराव मोहिते कृष्णा सहकारी साखर कारखान्यात २०१७-१८ गळीत हंगामासाठी मिल रोलरचे पूजन कारखान्याचे चेअरमन डॉ. सुरेश भोसले यांच्या हस्ते व श्री विठ्ठल-रुक्मिणी मंदिर समितीचे नूतन अध्यक्ष तथा भाजपचे प्रदेश चिटणीस डॉ. अतुल भोसले यांच्या प्रमुख उपस्थितीत करण्यात आले.
या वेळी कारखान्याचे व्हाइस चेअरमन लिंबाजीराव पाटील, ज्येष्ठ संचालक गुणवंतराव पाटील, दयानंद पाटील, धोंडीराम जाधव, दिलीपराव पाटील, पांडुरंग होनमाने, संजय पाटील, ब्रिजाज मोहिते, अमोल गुरव, गिरीश पाटील, सुजित मोरे, मनोज पाटील, कार्यकारी संचालक सूर्यकांत दळवी, कराड नगरपालिकेचे नगरसेवक सुहास जगताप, ‘मिटकॉन’चे उपाध्यक्ष एस. सी. नातू, ‘प्राज इंडस्ट्री’चे सहायक उपाध्यक्ष उदय कुलकर्णी, डीजीएम सुदर्शन केंद्रे, कराड तालुका साखर कामगार संघाचे अध्यक्ष एम. के. कापूरकर, गणेश शिवोत्सव मंडळाचे बाळासाहेब पाटील यांच्यासह सर्व खातेप्रमुख, अधिकारी उपस्थित होते.
कारखान्याचे चेअरमन डॉ. भोसले यांच्या हस्ते धार्मिक विधी करून रोलरचे पूजन करण्यात आले. यानंतर चेअरमन डॉ. भोसले आणि डॉ. अतुल भोसले यांच्या हस्ते यांत्रिक कळ दाबून रोलर बसविण्याच्या कामाचा प्रारंभ करण्यात आला. या प्रसंगी कार्यक्षेत्रातील मान्यवर, सभासद शेतकरी, कार्यकर्ते, वाहतूक कर्मचारी, तोडणीदार मोठ्या संख्येने उपस्थित होते.
